Kva er ein protestant?
SVAR:
Ein protestant i kristeleg samanheng er ein kristen som høyrer til i eit av dei kyrkjesamfunna som vart til under reformasjonen på 1500-talet.
Ordet vart først brukt om dei evangeliske som protesterte mot at katolikkane og andre hindra reformasjonen.
I dag er det ikkje så mange som vil kalle seg protestantar. Dei seier heller at dei er evangeliske, anglikanske, metodistar, pinsevener eller liknande. Det ligg noko negativt i ordet protestant, ein er i opposisjon til den katolske eller den ortodokse kyrkja.
Å kalle seg evangelisk er meir uttrykk for det positive – at ein bygger på Skrifta aleine, nåden aleine, trua aleine. Då er det ikkje opp til menneske å verta frelst, men ein får ta imot frelsa som ei gåve av nåde, gratis.
OPKL099